சமீபத்தில் ரசித்த படம் - துப்பாக்கி

ரமணா, கஜினி மற்றும் 7-ஆம் அறிவு தந்த இயக்குனர் முருகதாஸ் கொடுத்திருக்கும் ஒரு விறு விருப்பான படம், நல்ல பொழுது போக்கு தந்த இயக்குனருக்கு நன்றிகள். சந்தோஷ் சிவனின் காமிரா அருமை, காட்சிகளுக்கு ஆழத்தை கொடுத்திருக்கிறது.

ஹீரோ "இளைய தளபதி" விஜய் வழக்கமான படி பில்ட்-அப் காட்சியில் அறிமுகமாகிறார். ராணுவத்தில் இருந்து  லீவில் வரும் காப்டனாக வருகிறார்.அவசர அவசரமாக ராணுவ சீருடை கூட மாற்றாமல் பெண் பார்க்க சென்று காஜல் அகர்வாலை பெண் பார்த்து ரிஜக்ட் செய்கிறார் (மோதலில் தானே காதல் வர வேண்டும்!). காமடிக்கு சத்யன் மும்பை போலீசாக வருகிறார். மொத்த கதையும் மும்பையில் தான் நடக்கிறது, நம்ம முருகதாஸ் தான் இந்தி இயக்குனர் ஆயிடாரே!

காப்டன் ஜகதீஷ் (விஜய் தான்) தன் நண்பன் பாலாஜி (சத்யன்) கூட பெண்கள் குத்துசண்டை பார்க்கும் படி ஆகிறது.அங்கு காஜல் அகர்வால் தான் குத்து சண்டை வீராங்கனை. காஜல் தன்னை எதிர்த்து போட்டியிடும் இன்னொரு வீராங்கனையை நாக்-அவுட் செய்ய விஜய்  காதலில் நாக்-அவுட் ஆகிறார். விஜய் தற்செயலாக ஒரு குண்டு வெடிப்பை பார்க்க நேரிடுகிறது, அதற்க்கு காரணமான ஸ்லீப்பர்-செல் ஆளை பிடித்து போலீசிடம்ஒப்படைக்கிறார். அங்கிருந்து தொடங்கும் விறுவிறுப்பு கடைசி வரை போகிறது.

விஜயின் உயர் அதிகாரியாக ஜெயராம் வருகிறார். காமடியில் சத்யனுக்கு ஒத்தாசை செய்கிறார். விஜயின் சாகசங்கள் தெரியாமலேயே கடைசியில் ரயில் ஏறுகிறார். வீணடிக்கப் பட்ட கதாபாத்திரம் இது. இவருடன் பேசுகையில் ஓவர் ஆக்டிங் செய்வதை தவிர்த்து இருக்கலாம். கதையின் துவக்கத்தில் வரும் மனோபாலா காஜல் அகர்வாலின் தந்தையாக வந்து ஒரு சீனுடன் காணாமல் போகிறார். விஜய்க்கு ஒரு பக்கம் காஜலுடன்  காதல் மறு பக்கம் தீவிரவாதிகளுடன் மோதல் என வேகமாக கதை நகருகிறது.

 விறு விருப்பான படமாக இருந்தாலும், லாஜிக் ஓட்டைகள் நிறைய: 

1. பல நாட்களாக கடத்தி வைக்கப் பட்ட ஸ்லீப்பர்-செல் ஆள் கைகட்டு அவிழ்க்கப் பட்டு தப்பி ஓட வசதியாக வைக்க பட்டிருப்பது, அவனுக்கே சந்தேகம் வர வைக்காதா? அவன் இங்கிலீஷ் படமே பாத்திருக்க மாட்டான் போலிருக்கிறது.

2. பல நாள் மயக்கத்தில் இருந்த ஸ்லீப்பர் செல் ஆள் வெளியே நடந்து ஒவ்வொரு இடத்துக்கு சென்று திட்டமிட்ட படி ஒவ்வொருத்தரிடமும் பேசுகிறான். இவனுடைய தலைவனாக வருகிறவன் இவன் கடத்தப் பட்ட விஷயத்தை யாரிடமும் சொல்ல வில்லை போல.

3. மிலிட்டரி இன்டலிஜன்ஸ் என்று சொல்லிக் கொள்ளும் விஜய் ஒவ்வொரு இடத்திலும் வெளிப்படையாக தான் அது தான் என்று சொல்லிக்கொள்ளும்படி நடப்பது நம்பும்படி இல்லை. இவருடைய உயர் அதிகாரியான ஜெயராம் தவிர மற்ற எல்லாருக்கும் இவர் பற்றி தெரிந்து இருக்கும் என நினைக்கிறேன்.

4. விஜய் தன்னுடைய டீமிடம் ஒரு 12 பேரை தீர்த்து கட்ட வேண்டும் என்று சொன்னதும், லீவில் வந்திருக்கும் எல்லாரும் ஒரு கேள்வி கூட கேட்டகாமல், விஜய் அவர்களுக்கு கொடுக்கும் துப்பாக்கியை எடுத்து சென்று எல்லரையும் தீர்த்து கட்டுவதும் லாஜிக்உதைக்கிற  மேட்டர்.
5. நாய் குலைத்தவுடன் வில்லனுக்கு தெரிந்து விடுகிறது ஹீரோ வந்து விட்டார் என்று. அதுவும் பொம்பிளை பிள்ளைகளை காப்பாத்த நேரத்துக்கு வந்து தானே ஆக வேண்டும். நிறைய தமிழ் படம் பாத்திருக்கிறார் வில்லன்.

6. கிளைமாக்ஸ் கப்பலில் தான் நடக்கும் என்று தெரிந்து இருக்கிறது விஜயை பின் தொடர்பவருக்கு. அதற்க்கு தயாராக வந்திருக்கிறார். 

7. ஒரு வெடிகுண்டில் அவ்வளவு பெரிய கப்பல் தீப்பிளம்பாக காணாமல் போவது சாத்தியமா? அணு குண்டு வைத்து தகர்த்திருப்பார்களோ?

8. யாருக்கும் தெரியாமல் தான் மிலிட்டரி இன்டலிஜன்ஸ் என்று சொல்லி சில தற்கொலைகளுக்கு காரணமாகிறார் விஜய். எப்படி வீடுகளுக்கு உள்ளே சென்றார், கள்ள துப்பாக்கி கொண்டு செல்கிறார், தற்கொலைக்கு அப்புறம் தப்பித்து வருகிறார். இயக்குனருக்கே வெளிச்சம்.
9. வீட்டுக்குள் சில தீவிர வாதிகளை குண்டு கட்டாக ஒத்தை ஆளாக தூக்கி கொண்டு வருகிறார், யாருக்கும் தெரியாமல் வைத்து இருக்கிறார், தப்ப விடுகிறார் அல்லது தூக்கி சென்று எங்கோ போடுகிறார்...எப்படி சாத்தியம்? விஜய்க்கே வெளிச்சம் (இயக்குனருக்கு ஏற்க்கனவே வெளிச்சம் போட்டாச்சுப்பா)

யாருக்காவது பதில் தெரிந்தால், திருத்தங்கள் தோன்றினால் பின்னூட்டத்தில் சொல்லுங்கப்பா...

கீமோதெரப்பி..

 சென்ற அத்தியாயத்தில் உயிரியலும் வேதியியலும் ஒன்றுக்கொன்று மிகுந்த தொடர்புடயன என்று பார்த்தோம். 1878-இல் 24 வயது மருத்துவ கல்லூரி மாணவர் பால் எஹ்ர்லிச் ஒரு வித்தியாசமான ஆராய்ச்சியில் ஈடுபட்டு இருந்தார் - செயற்கை இரசாயனங்களைக் கொண்டு உயிர் திசுக்களை நிறம் மாற்ற வேண்டும் என்கிற முயற்சியே அது. எப்படி தலைக்கு டை அடித்து நிறம் மாற்றம் செய்கிறார்களோ அதை போல. இந்த முயற்சியில் ஒரு வித்தியாசமான விஷயம் அவருக்குப் பட்டது - ரசாயனம் செல்லை முழுமையாக நிறம் மாற்றம் செய்யாமல் செல்லின் பகுதிகளை நிறம் மாற்றம் செய்தது. அதாவது செல்லின் சில ரசாயனங்களை அடையாளம் காட்டியது.

(படம்: பால் எஹ்ரில்ச் )

1882-இல் ராபர்ட் கோச் என்ற விஞ்சானியுடன் கூடு சேர்ந்து ஒரு மகத்தான கண்டுபிடிப்பை நிகழ்த்தினார். மைக்கோ பாக்டீரியா என்கிற நுண்ணுயிரியை அடையாளம் காட்டும் ரசாயனத்தை உண்டாக்கினார்.

(படம்: ராபர்ட் கோச்)

(படம்: செல்லின் பகுதியானது நீல சாயம் கொண்டு அடையாளம் காட்டப் படுகிறது)

பால் எஹ்ல்றிச் சில வருடங்களுக்கு பின்னால் இன்னொரு கண்டுபிடிப்பை நிகழ்த்தினார். சில வகை விஷத் தன்மை பொருந்திய ரசாயனங்கள் உடலுக்குள் நுழையும்போது உடலானது ஒரு எதிர்விஷங்களை உருவாக்குகிறது. இந்த "எதிர்விஷங்கள்" தற்பொழுது "எதிர் உயிரிகள்" என்று அழைக்கப் படுகின்றன.

ஓர் இரவில் சாதாரணமாக பேசிக்கொண்டு இருக்கும்போது அவருக்கு உண்டான எண்ணம்: ஏன்  இந்த எதிர் உயிரிகள் நோயை உண்டாக்கும் கிருமிகளை அழிக்கக்  கூடாது? இந்த எண்ணம் தான் பின் நாளில் கீமோதெரபி உண்டாகக் காரணமானது.

செல்லின் பற்பல பகுதிகளையும், பல நுன்னுயிரிகளையும் அடையாளப் படுத்த புதிய புதிய சாயங்கள் தேவைப் பட்டன. எஹ்ர்ளிச்-இன் பார்வை சாயத் தொழிற்சாலைகள் குவித்து வைத்திருந்த சாயங்களின் மேல் பதிந்தது.

(தேடல் தொடரும்)

உலகம் அழியும்னு சொல்லிட்டு திரிஞ்சாய்களே..என்னாச்சி?

எல்லாருக்கும் இந்த கதை தெரிஞ்சாலும், தொகுத்து சொல்லிப் புடலாம்னு பாக்றேனுங்கோ..

மாயர்கள் அப்படீங்கற இனம் இப்ப மெக்ஸிகோ நாடு இருக்கற இடத்தில முன்ன வாழ்ந்தாங்க. அவங்க ஜோசியம் பாக்கறதில நம்மள மிஞ்சினவங்க. வானத்தில இருக்கற கிரகங்கள எல்லாம் கணிச்சி சுத்தமா ஜாதகம் கணிச்சாங்க. அந்த ஜாதகம் இந்த மாசத்தில முடியறதா இருந்தது. அத பாத்த உடனே பல பேரு கப்சா உட ஆரமிச்சாங்க பாருங்க...

மாயகர்கள் ஜாதகம் கணிக்கரத முடிக்க காரணம் உலகம் அழியரதால தான். நிபுரு அப்படீன்னு ஒரு கிரகம் (?) இருக்கறதாவும் அது பூமி மேல இந்த டிசம்பர் மாசம் மோதும்னும் சொன்னாயங்க சில பேரு. இத உலகம் அழிகிற கான்சப்ட் வச்சு ஹாலிவூட் படம் எடுத்து காசு பாத்தாங்க கொஞ்ச பேரு. கொழந்த பெருரத கூட தள்ளிப்போட்டவங்க சில பேரு. எல்லா நல்ல காரியங்களையும் தொடங்க யோசிச்சாங்க ரொம்ப பேரு.

எப்ப டி.வீ. பெட்டிய திருக்கி (சாரி, பழைய நியாபகம்) ...அமுக்கி.. டிஸ்கவரி சானல், நஷனல் ஜீயோகிரபி வச்சா இந்த கத தான் ஓடும். நம்ம இனைய தளத்தில கூட ஒரு கருத்து கணிப்பு வச்சோம் - அழியுமா? அழியாதா? அப்படீன்னு...அதுல கூட யாரும் அழியும்னு சொல்லல.

நாசா (அமெரிக்க இஸ்ரோ) போன மாசத்தில இருந்தே தெளிவா சொல்ல ஆரம்பிச்சுது, ஒன்னும் நடக்காது அப்படீன்னுட்டு. உலகம் அழியும்ன்னு சொன்ன பயக  எல்லாம், உலகம் அழியர வருஷம் 2012 இல்ல 3012 அப்படீன்னு உளற  ஆரம்பிச்சானுங்க.  இப்படியா யாரும் கண்டுக்க கூட இல்லாம அவய்ங்க சொன்ன நாள் வந்து போச்சி.

நீங்க என்ன செஞ்சீங்க, நெனச்சீங்க அப்படீங்கறத பின்னூட்டத்தில போடுங்க....

இனிய புத்தாண்டு நல்வாழ்த்துக்கள்!

வருகின்ற புத்தாண்டில் எல்லா வளங்களும் நலன்களும் பெற்று வாழ இறைவனை வேண்டுகிறோம் - பிரமு இணையம்

அமரர் கல்கியின் பொன்னியின் செல்வன் - குறுகிய பதிப்பு - பாகம் 1 - அத்தியாயம் 21, 22, 23, 24

பாகம் 1  - புது வெள்ளம்

அத்தியாயம் 21 - திரை சலசலத்தது  

திருவையாறு வழியா தஞ்சைக்கு குதிரைல வந்திட்டு இருந்தான் வந்தியத் தேவன். தன காரியங்கள எப்படி முடிக்க போறோம், மகாராஜாவ எப்படி பாக்க முடியும் எல்லா தடைகள் தாண்டி அப்படீன்னு நெனைச்சுட்டே வந்திட்டு இருந்தான். தூரத்தில பழுவேட்டரையரோட பல்லக்கு போயிட்டு இருந்தது. அதில பழுவேட்டரையர், இல்ல மதுராந்தகர் இருக்கலாம். மதுராந்தகர் இருந்தா அவர் கூட பழகி அப்படியே கோட்டைகுள்ள போய்டலாம் அப்படீன்னு நெனைச்சான். வேகமா போய் குதிரையால பல்லக்கை மோதினான்; உடனே கத்தினான்: "மஹாராஜா! மஹா ராஜா!! பல்லக்கு தூக்கரவங்க என்னோட குதிரைய இடிக்கறாங்க. ஐயோ ! ஐயோ!!" பல்லக்கோட திரை மெதுவா விலகிச்சி.

பாகம் 1  - புது வெள்ளம்

அத்தியாயம் 22 - வேளக்கார படை  

திரை விலகரத பாத்துட்டு உடனே இறங்கி கம்ப்ளைன்ட் செய்ய போனான் வந்தியத் தேவன். உள்ள இருந்தது மதுராந்தக தேவர் இல்ல, ஆனா ஆம்பளைங்கள கவர்ந்து பைத்தியமாக்குற அழகும் வசீகரமும் உள்ள பெண். ஷாக்  ஆகி நின்ன இவன வீரர்கள் சுத்திகிட்டாங்க. அதிசயமா இவனுக்கு மூள  வேலை செஞ்சது. பழுவூர் இளையராணிய பாக்கறதுக்காக இவளவு தூரம் வந்தான் அப்படீன்னும், ஆழ்வார்க்கடியான் அனுப்பி வச்சதாகவும் சொன்னான்.  இளையராணி ஸ்மைல் பண்ணினா மெதுவா, தன்னுடைய முத்திரை மோதிரத்தை கொடுத்து அப்பறமா வர சொன்னா. சாயங்கால வேளைலே மன்னரோட பாடி கார்ட்ஸ் - அதான் வேளக்கார படை - கோட்டைகுள்ள இருந்து வெளிய போனாங்க (அத்தியாய தலைப்ப மாட்ச் பண்ணனுமே..)

பாகம் 1  - புது வெள்ளம்

அத்தியாயம் 23 - அமுதனின் அன்னை  

ஊரை சுத்தி பாத்துட்டு மறுநாள் கோட்டைகுள்ள போகலாம்னு நெனைச்சான். அப்ப சேந்தன் அமுதன் என்கிற, கோவில்ல வேலை செய்யற இளைஞன் அறிமுகம் ஆனான். அவன் வீட்ல தங்கினான் வந்திய தேவன், அன்னிக்கி இராத்திரி. நெறைய விஷயங்கள் தெரிஞ்சது - மதுராந்தக தேவர் சின்ன பளுவேட்டரைரோட  பொன்னைத் தான் கல்யாணம் செய்திருக்காரு, இது நெறைய பேருக்கு தெரியாது. சின்ன பழுவேட்டரையர் தான் கோட்டை காவலுக்கு பொறுப்பு. பெரியவரும், சின்னவரும் கோட்டைகுள்ள மன்னர் கூட தான் தங்கி இருக்காங்க. இன்னும் முதல் மந்திரி அநிருத்த பிரம்மராயரும் மற்ற மந்திரிங்களும், பளுவேத்ட்டரைரோட வேலை செயாரவங்களும் உள்ள தான் தங்கி இருக்காங்க. 

பாகம் 1  - புது வெள்ளம்

அத்தியாயம் 24 - காக்கையும் குயிலும்  

ரெண்டு பழுவேட்டரையரும் தான் நாட்ட ஆளுராங்கன்னும், சக்கரவர்த்திய அவங்களோட கட்டுபாட்டில தான் வச்சிருக்காங்கன்னும் சொன்னான் சேந்தன் அமுதன். மதுரைல நடந்த யுத்தத்துக்கு அப்பறமா வீரபாண்டியன் மரணத்துக்கு பழி  வாங்க மன்னற கொள்ள சதி அப்படீன்னு சொல்லி மன்னற தஞ்சைக்கு கூட்டிட்டு வந்திட்டதாவும் அவரோட உடல் நிலை சரி இல்ல, பக்கவாதம் வந்து ரெண்டு காலும் சுவாதீனம் இல்லாம போச்சி, வைத்தியங்களும் இங்க தான் மன்னர் இருக்கணும்னு சொல்லிட்டாங்க. மன்னர் எதுவும் சொல்ல முடியல. அவருக்கு புத்தி சுவாதீனம் வேற இல்லாம போச்சின்னும் சொல்லிக்கறாங்க.

சேந்தன் அமுதனோட அம்மாக்கு காது கேக்காது, வாய் பேச வராது. சேந்தன் அமுதனுக்கு அவன் மாமன் மகள் பூங்குழலி மேல ஈடுபாடு. ஆனா, அவளுக்கு இவன் மேல ஈடுபாடான்னு தெரியல. 

அன்னிக்கே மன்னர கோட்டைக்குள பாத்திடணும்னு நெனைச்சான் வந்தியத் தேவன்.

Stress decoded— relax and thrive this season

Stress decoded— relax and thrive this season

What's causing it?

The most common cause of stress is feeling like you have little or no control, but that sense of helplessness comes in many forms—like putting up with inebriated party guests and Uncle Wayne's off-color jokes.

Biologically, stress causes your body to shift into survival mode where it releases epinephrine and cortisol, a.k.a., "the stress hormones." When these hormones appear, they trigger the liver to release extra glucose for a boost of energy to fuel the "fight or flight" response.

This shift that stress brings upon the body causes your heart rate and blood pressure to rise. Trouble surfaces when you spend too much time in survival mode.

What's at risk?

The "breaking point" between a decent level of stress and stress overload can trigger numerous side effects. Since stress is a subjective phenomenon, its effects are specific to each individual. However, some common side effects include:

• a weakened immune system • diabetes • high blood pressure • weight gain/loss • stroke

• heart attack • hypertension • depression • insomnia • emotional disorders

What does stress have to do with my eyes?

Due to the interconnectedness of the body, most of the common side effects listed above can affect the eyes in one way or another. Joseph Udvari, a VSP doctor at West Hills Vision Center in Moon Township, PA explains a few of the possible repercussions:

"High blood pressure and hypertension can strain your eye's blood vessels and optic nerve, possibly resulting in bleeding, difficulty seeing clearly, or permanent vision loss. Strokes often leave their victims with vision impairments, and insomnia can lead to dry and bloodshot eyes." For a deeper look into diabetes' effects on the eyes, check out this month's Your Eye Health article.

How do I get rid of it?

Chronic and intense stress often leads its victims into self-destructive coping strategies, which don't usually solve the problem. Taking a self-constructive approach has better potential for success. Here are some simple pointers from Dr. Udvari on how to help yourself RELAX.

R - Rest	Aim to get seven to eight hours of sleep each night.
E - Eat Well	Balance out the holiday sweets with fruits and vegetables.
L - Laugh	Laughing releases endorphins, which are natural mood enhancers.
A - Accept	Accept the things you can't change—such as traffic jams and annoying coworkers.
X - Exercise	Like laughing, regular exercise also naturally improves your mood.

If you find that the stressors in your life are becoming too much to handle, contact your primary care physician as soon as possible to avoid a serious health condition. To prevent the effects of stress on your eyes, be sure to schedule your annual eye exam where your VSP doctor can look for potential health or vision problems.

Courtesy: http://email-vspenvision.com/newsletter.jsp?nn=vsp_feature_1211&s=Zr6A&i=878822654306

இனிய பிறந்த நாள் நல்வாழ்த்துக்கள், ஜெய்ஸ்ரீ !!

  

குப்பை போட்டா...?

இடம்: சென்னை முத்துரங்கன் சாலை 

நன்றி: தினமலர் 

முழுமையான செய்தி/தகவல்: http://www.dinamalar.com/photogallery_detail.asp?id=833&nid=6483&cat=Album#.ULqJB6Uj5Ig

வாசகர் கார்டூன்

நன்றி: தினமலர் 

நோ கமெண்ட்ஸ்

மூலம் : IdlyVadai - இட்லிவடை: நோ கமெண்ட்ஸ்: மெயிலில் அனுப்பிய நண்பருக்கு நன்றி.

கொஞ்சம் சிரிங்க...

பாட்டு கேட்டிட்டே வேல பாக்கணும்...

"பவர் ஸ்டார்" சீனிவாசன் - ராஜ் டிவி அலசல்

  

  

அமரர் கல்கியின் பொன்னியின் செல்வன் - குறுகிய பதிப்பு - பாகம் 1 - அத்தியாயம் 19, 20

பாகம் 1  - புது வெள்ளம்
அத்தியாயம் 19 - ரணகள அரண்யம்  

ப்ரதீவிபதி அப்படீங்கற கங்க நாட்டு மன்னன், முன்னாடி சோழ ராஜா கூட சேந்து பாண்டிய ராசாவ எதிர்த்து போர் நடத்தினான். அதில ரொம்ப வீரமா சண்ட போட்டு வீரமரணம் அடைஞ்சான். அவனுக்கு பள்ளிப் படை கோவில் ஒன்னு கட்டினாங்க சண்டை நடந்த இடத்தில. வருஷங்கள் கழிஞ்சு அந்த இடம் காடு மண்டிப் போச்சு. பிரதிவீபதியை பகைவன்னு சொன்னா, பாண்டியர்கள் தான் சொல்லணும்..புரிஞ்சதா? குறுக்கு வழியில பொய் ஆழ்வார்க்கடியான் பள்ளிப் படை கோவில் மேல ஏறி ஒளிஞ்சுகிட்டான், ஈசியா பாத்துட முடியாது அவன. ரொம்ப நேரம் ஆச்சு எதுவும் நடக்கல, சரி திரும்ப போய்டலாம்னு நெனைக்கும் போது தூரத்தில தீவட்டி வெளிச்சம் தெரிஞ்சது, 2 பேரு வந்தாங்க. கொஞ்ச நேரத்தில இன்னும் 2 பேரு அப்பறம் ஒருத்தன் வந்தான். யாருடைய அடையாளமும் சரியா தெரியல, இவன் ஒளிஞ்சு இருந்த இடம் தூரமா போச்சு. அரகொறையா கேட்டதை தெரிஞ்சது என்னான்னா: ரவிதாசன் அப்படீங்கறவன் தான் அவங்க ஹெட். அவன் கிட்ட பளுவேட்டரயரோட தங்க காசுங்க இருந்தது. பக்கத்தில போனா கொஞ்சமாவது அவங்க பேசறது சரியாய் காதில விழும்னு நெனைச்சான். மெதுவா இறங்கி பக்கத்தில போனான்.

பாகம் 1  - புது வெள்ளம்
அத்தியாயம் 20 - "முதற் பகைவன்!" 

ரவி தாசன் எதோ பிளான் சொல்லிட்டு இருந்தான்: 'ரெண்டு டீமா பிரிஞ்சு ஒன்னு இலங்கைக்கும் இன்னொன்னு ஆதித்த கரிகாலன் இருக்கற தொண்டை மண்டலம் போகணும். வெயிட் பண்ணி நல்ல சமயத்தில காரியத்த முடிக்கணும்.'

அப்ப அங்க இடும்பன் காரியும் வந்து சேந்தான். சம்புவரையர் மாளிகைல நடந்ததை எல்லாம் சொன்னான். இத எல்லாம் கவனிச்ச ஆழ்வார்க்கடியானையும் இவன் பாத்துட்டத்தையும் சொன்னான். ஆழ்வார்க்கடியானை இவங்க ஆளுன்னு நேனைச்சதையும் இவங்க முத்திரைய செஞ்சு காட்டினதையும் சொன்னான். ஆழ்வார்க்கடியானுக்கு அது புரியாததனால அவன் வேற ஆளுன்னு பபுரிஞ்சு கிட்டதையும் சொன்னான்.

ரவி தாசன் ரொம்ப கோபப் பட்டான். யாரு கிட்டயும் ரகசிய சமிக்ஜய செய்ய கூடாதுன்னு கட்டளை போட்டான். ஆழ்வார்க்கடியான் தான் முதல் எதிரி, நம்மள காப்பாத்திற தேவிய கொண்டு போக பாக்கறவன். அவன எங்க பாத்தாலும் கொன்னு போடுங்க அப்படின்னு ஆர்டர் போட்டான். ஆழ்வார்க்கடியான் ஒரு ஒற்றனும் கூட, ஆனா யாருடைய ஒற்றன் என்கிற விபரம் தெரியல அப்படீன்னான்.

ஆழ்வார்க்கடியானுக்கு தும்மல் வந்திட்டு, தோள் துண்ட கவ்விகிட்டு தும்மினான், ஆனாலும் சத்தம் கேட்டிருச்சி. ரவி தாசன் ஆள் அனுப்பி என்ன சத்தம்னு பாக்க சொன்னான். அங்க இருந்து ஒரு வழியா தப்பிச்சு வந்தான் ஆழ்வார்க்கடியான்.

படித்ததில் பிடித்தது - கவிதை

                                                 காவியம்

                                                 சிறகிலிருந்து உதிர்ந்த
                                                 ஒற்றை இறகு
                                                 காற்றின்
                                                 தீராத பக்கங்களில்
                                                 ஒரு பறவையின் வாழ்வை
                                                 எழுதிச்செல்கிறது

-- எழுதியது யார் என்று தெரியவில்லை.

சாயமும், சாதலும்....

கான்சர் ஒரு தீர்க்கமான செயல்பாடுடைய வியாதி. ஓரிடத்தில் இருந்து மற்றொரு இடத்துக்கும், ஒரு உறுப்பில் இருந்து மற்றொன்றுக்கும்  பரவிக்கொண்டே இருப்பது. பெயருக்கு ஏற்றார் போல புற்று போல பல இடங்களில் இருந்து வெளித் தோன்றிக்கொண்டே இருப்பது. இதை வெட்டித் தள்ளும் கத்தி தான் கதிர்வீச்சு. இந்த கத்தி அதனுடைய பாதிப்பை ஏற்படுத்தாமல் போகாது. எனவே இது இறுதி தீர்வாக முடியாது.

தீர்க்கமான செயல்பாடுடைய வியாதிக்கு அதை விட தீர்க்கமான செயல்பாடுடைய சிகிச்சை தேவை. நோயின் வேரைக் கண்டறிந்து அதை வெட்டி வீழ்த்த வேண்டும் கான்சருக்கான மருந்து. கான்சர் செல்லும் அதன் மூலமான நல்ல செல்லும் ஒன்றுக்கொன்று மிகவும் தொடர்பு உடையன. உதாரணமாக கண்டு பிடிக்கப் பட வேண்டிய மருந்து இடது காதை மட்டும் அரிக்க வேண்டும், ஆனால் வலது காதை  ஒன்றும் செய்யக் கூடாது. எப்படி பாருங்கள்?


கான்சரை குணப்படுத்த ஓரளவு நல்ல மருந்து சாயப் பட்டறையில் இருந்து தோன்றியது என்றால் வேடிக்கையாகத் தான் இருக்கும். யோசித்து பாருங்கள் சாயத் தொழிலுக்கும் கான்சருக்கும் என்ன சம்பந்தம் என்று..

1850 வாக்கில் இங்கிலாந்தில் தறி நெசவு வெகு வேகமாக வளர்ந்து வரும் தொழில். தறி நெசவும் சாயத் தொழிலும் சம்பந்தப் பட்ட தொழில்கள் என்று உங்களுக்கு தெரியும் தானே? வேகமாக வளரும் நெசவு தொழிலுக்கு சாயத் தொழிலால் ஈடு கொடுக்க முடிய வில்லை. இயற்கையாக பெறப் பட்ட சாயங்களை தயாரிக்கவும், பாதுகாக்கவும் மிகவும் மெனக்கெட வேண்டி இருந்தது. நெசவு செய்யப் பட்ட துணிகள் சாயத்துக்காக காத்துக் கிடந்தன.

(படம்: வயோதிக வில்லியம் பேர்க்கின் மற்றும் இள  வயது புகைப்படம்)

1856-இல் வில்லியம் பெர்கின் என்கிற மாணவன் செய்த இரசாயன ஆராய்ச்சி வயலட் நிற பொருளை ஆராய்ச்சி குடுவையில் உண்டாக்கி இருந்தது. பஞ்சை (பருத்தி) கொண்டு  தொட பஞ்சின் நிறத்தை வயல்ட்டாக மாற்றியது. ரசாயன சாயத் துறை என்கிற புதிய துறை பிறந்தது. நெசவுத் தொழிலுக்கு இது ஒரு வரப் பிரசாதமாக தோன்றியது.

மூலம்: சித்தார்த் முக்கர்ஜி.

பிரமு மாமாவின் பிறந்த நாள் இன்று....

பிரமு மாமாவின் ஐம்பதாவது பிறந்த நாள் இன்று. இன்று நம்மால் முடிந்த நல்லவைகளை செய்வோமாக!

"என்ன மாமா! சாத்தூர் ரோட்ல போறீங்க': "கணவர்' என நினைத்து வேறு நபருடன் சென்ற பெண்

விருதுநகர்:"மின் தடையால, சமையலுக்கு மசாலா அரைக்க முடியல; குழந்தைங்க தூக்கமே போச்சு; "டேங்க்' ல, தண்ணீர் இல்ல' என, பெண்களின் புலம்பல்களுக்கு மத்தியில், ஒரு பெண் சந்தித்த "தர்மசங்கட' பிரச்னை இது. கனநேரத்தில், இப்படியும் கூட பிரச்னைஏற்படும் என்பது மற்ற இல்லத்தரசிகளுக்கு, இது ஒரு பாடம்.

விருதுநகர் கலெக்டர் அலுவலகம் எதிரே உள்ள பெட்ரோல் "பங்க்' ல், நேற்று முன்தினம், இரவு 7 மணிக்கு, வாடிக்கையாளர்கள் வந்து போய்க் கொண்டிருந்தனர். "எப்போது போகும், எப்ப வரும்' என, யாரும் அறியாதமின்சாரம் துண்டிக்கப்பட்ட நேரம்.அப்போது, மனைவியுடன் இரு
நபர்கள், "பைக்கில்' வந்தனர்;இருவருமே அணிந்திருந்தது, ஒரேமாதிரியான ஹெல்மெட். வாகனங்களுக்கு பெட்ரோல் நிரப்பிய பின், அதில் ஒரு ஜோடி புறப்பட்டுச் சென்றது.
சாத்தூர் ரோட்டில் நீண்ட தூரம் சென்ற பின், பின்னால் இருந்த பெண்,

""என்ன மாமா! நாம் தாதம்பட்டிபோகணும்; நீங்க சாத்தூர் ரோட்ல போறீங்க,'' என்றார். வாகனத்தை
ஓட்டிய நபருக்கு தூக்கி வாரிப்போட்டது. உடனடியாக நிறுத்தி,திரும்பிப் பார்த்தவருக்கு மேலும் அதிர்ச்சி.பின்னால் இருந்தது அவர் மனைவி இல்லை. இருட்டில், அந்தப் பெண்,"கணவர்' என, நினைத்து, தன்னுடன் வந்ததை உணர்ந்தார். மன்னிப்புக் கோரி, மீண்டும் பெட்ரோல் "பங்க்' அழைத்து வந்தார். அங்கு, கணவரைக் காணாமல் மனைவியும்; மனைவியைக் காணாமல் கணவரும் தவியாய் தவித்துக் கொண்டிருந்தனர். "மாறி பயணப்பட்டு' திரும்பிய இருவரையும் பார்த்தவுடன், நிம்மதிப் பெருமூச்சு விட்டனர்;பிரிந்தவர் கூடினால் பேசவும்வேண்டுமோ!"மின்தடையால் குடும்பத்திலும் குழப்பம் ஏற்படும் போலிருக்கே?' என, புலம்பினர் அங்கிருந்தவர்கள். 

வாசகர் கருத்து:

kochadaiyan - ,இந்தியா

01-அக்-201203:26:37 IST Report Abuse

தமிழ்நாட்டில் இதுவரை மின்சாரம் தான் போகும் என்று பார்த்தால் இப்போது சம்சாரமும் கூட சேர்ந்து போகும் அவல நிலைக்கு தள்ளப்பட்டு விட்டது.

மூலம்: "என்ன மாமா! சாத்தூர் ரோட்ல போறீங்க': "கணவர்' என நினைத்து வேறு நபருடன் சென்ற பெண் 

-- நன்றி: தினமலர்

ஏன் இந்த சோகம் ?

இன்டர்நெட்டில் கிடைத்தது... நல்லா  சிரிசீங்கன்னா லைக் போடுங்க...

கதிரும் வீச்சும் தொடர்கிறது...

கதிரும் வீச்சும் என்கிற தலைப்பில் அறிவியல் அறிஞர்களான மேரி க்யுரி ஆய்வுகள் பற்றி பார்த்தோம். அவருடைய ஆய்வு கதிர் வீச்சின் மோசமான மறு பக்கத்துக்கு சான்றாக இருந்தது. வாரக்கணக்கில் ரேடியத்தை பிரிக்க நடத்திய ஆய்வு அவருடைய கைகளில் பாதிப்பை ஏற்படுத்தி இருந்தது: தோல் கருகி காய்ந்து உரிய ஆரம்பித்தது. உள்ளிருந்து தசைகள் எரித்து கருகியது போலிருந்தது. கதிர் வீச்சின் காரணமாக அவருடைய எலும்பு மஜ்ஜை எரிந்து தீராத ரத்த சோகை வேறு வந்திருந்தது. எலும்பு மஜ்ஜை தான் ரத்தம் சுரக்க காரணம் என்று உங்களுக்க்து தெரிந்திருக்கும்.

ஆராய்சிகள் பல செய்து பல வருடங்களுக்கு பின்னால் தான் இவற்றுக்கான காரணங்கள் புரிய ஆரம்பித்தது. டி.என்.எ  என்கிற செல்லின் மூலக்கூறினை இந்த கதிர்வீச்சு தாக்குகின்றது என்று புரிய ஆரம்பித்தது அறிஞர்களுக்கு. குழந்தை அப்பா, அம்மாவின் அம்சங்களையும் தாத்தா, பாட்டி போன்ற பரம்பரை குணாதிசயங்களுடன் பிறக்கக் காரணம் தான் இந்த டி.என்.எ. ஒரு தலை முறையில் இருந்து அடுத்த தலை முறைக்கு தகவல்களை எடுத்து செல்லக்கூடியது. இந்த டி.என்.எ கதிர்வீச்சால் பாதிக்கப் பட்டு கான்சராகிறது.

கான்சரை உண்டாக்கும் எக்ஸ் கதிர்கள் கான்சரை அழிக்கவும் உதவுகிறது.1896 ஆம் ஆண்டு (எக்ஸ் கதிர்கள் கண்டு பிடிக்கப் பட்ட மறு ஆண்டு) எமில் கிரப் என்கிற மருத்துவக் கல்லூரி மாணவர் ரோஸ் லீ என்ற மருத்துவர்கள் கை விடப் பட்ட மூதாட்டிக்கு இருந்த மார்பக புற்று நோயை எக்ஸ் கதிர்கள் கொண்டு தாக்கினார்.தொடர்ந்து சுமார் 18 நாட்கள் இந்த வலி மிகுந்த மருத்துவம் செய்தார். லீ நிலையில் நல்ல முன்னேற்றம் வந்தது, சிகிச்சை முடிந்து பல மாதங்கள் கழித்து லீ மருத்துவரை பார்க்க திரும்ப வந்தார். கிரப்புக்கு எக்ஸ் கதிர்கள் கொண்டு மருத்துவம் செய்வதில் நம்பிக்கை வந்தது. ஆனாலும் ஒன்று புலப்பட்டது: ஆரம்ப நிலையில் கான்சரை குணப்படுத்த எக்ஸ் கதிர் பயன்படும் ஆனால் முதிர்ந்த கான்சருக்கு இது தீர்வாகாது. இந்த கதிர்வீச்சு மருத்துவம் இன்னும் ரேடியோதேரப்பி என்ற பெயரில் பயன்படுத்தப் பட்டு வருகிறது.

மூலம்: சித்தார்த் முக்கர்ஜி.

மின் பற்றாகுறை - வாசகர் கருத்து

நன்றி:  மாலைமலர் 

அமரர் கல்கியின் பொன்னியின் செல்வன் - குறுகிய பதிப்பு - பாகம் 1 - அத்தியாயம் 17, 18

பாகம் 1  - புது வெள்ளம்
அத்தியாயம் 17 - குதிரை பாய்ந்தது! 

நாம ஒரு பிளாஷ் பேக்-இருந்து இன்னொன்னு போய் பல தாண்டிட்டோம். என்னதான் வானதிய  குந்தவைக்கு பிடிச்சாலும், அவளோட இந்த பயந்த சுபாவம் பிடிக்கல. எதுக்கெடுத்தாலும் பயந்து மயக்கம் போட்டிடுவா. அது தெரிஞ்ச மற்ற இளவரசிகள் செஞ்ச ஏற்பாடு தான் பொம்மை முதலை. இதில அவனா மாட்டி அவமானப் பட்டுட்டான் நம்ம வந்தியத் தேவன். அவன சமாதானப் படுத்த முயற்சி செஞ்சா குந்தவை. ஆனா மற்ற இளவரசிகள் சிரிச்சிக்கிட்டே இருந்தாங்க. கோவத்தோட பொம்மை முதல மேல இருந்த வேல உருவி எடுத்தான்; குதிச்சி ஏறினான் குதிரை மேல; சுள்ளுன்னு அடி கொடுத்தான் குதிரைக்கு...துள்ளி பறந்தது குதிரை! குந்தவை பாத்திட்டே இருந்தா.

பாகம் 1  - புது வெள்ளம்
அத்தியாயம் 18 - இடும்பன் காரி 

கொள்ளிடத்து கரைலே வந்தியத் தேவனுக்கு குதிரை ஏற்பாடு செஞ்சு கொடுக்க வந்த ஆளு பேரு தான் இடும்பன் காரி. இவன் கந்தமாறன் வீட்லே வேலையாளா இருந்தான். இவன் வந்தியத் தேவனை அனுப்பிச்சுட்டு திரும்ப வரும் போது ஆழ்வார்க்கடியானை ஒரு மரத்துக்கு கீழ பார்த்தான். ஆழ்வார்க்கடியான் தன்னாலேயே புலம்பிக்கிட்டு இருந்தான் (வந்தியத் தேவன் யாரு என்னன்னு ஒண்ணுமே கண்டு பிடிக்க முடியல...இவன் நல்லவனா..கெட்டவனா ? அப்படீன்னு தான் புலம்பினான்)

அதுக்குள்ளே இடும்பன் காரி பக்கத்தில வந்திட்டான்; வலது உள்ளங் கை மேல் இடது கைய வச்சு ரண்டு கட்டை விரலையும் ஆட்டினான். ஆழ்வார்க்கடியான் என்ன பண்ணினே நீ? அப்படீன்னு கேட்டான், இடும்பன் காரி சமாளிச்சான், திரும்பப் போறதா சொல்லிட்டு கிளம்பினான். உடனே ஆழ்வார்க்கடியான் என்கிற திருமலையும் பக்கத்திலே இருக்கற ஒரு ஊரு பேரு சொல்லிட்டு அங்க போறதா சொல்லிக் கிளம்பினான். இடும்பன் காரி கொஞ்சம் தள்ளிப் போனதும் திரும்ப வந்து பக்கத்தில இருந்த மரத்து மேல ஏறி ஒளிஞ்சுகிட்டான் வெயிட் பண்ணினான். எதிர் பார்த்த மாறியே இடும்பன் காரி திரும்ப வந்திட்டு இருந்தான். மரத்துக்குக் கீழ வெயிட் பண்ணினனான். ரொம்ப நேரம் போச்சு. நேரம் கழிச்சு இன்னொருத்தனும் வந்து மரத்துக்கு பக்கத்திலே நினுகிட்டான். இடும்பன் காரி மெதுவா அவன் பக்கத்திலே போய் ஆழ்வார்க்கடியான் கிட்ட செஞ்சு காட்டின மீன் சிக்னல  செஞ்சான். அவனும் அந்த சிக்னல பதிலுக்கு செஞ்சு காமிச்சான். வந்தவன் பேரு சோமன் சாம்பவன். ரெண்டு பேரும் பகைவனோட பள்ளிப்படைக்கு போறதா சொல்லிக் கிளம்பினாங்க. அந்த திசைலே இருந்த திருப்புறம்பியம் அப்படீங்கற இடத்தில இருந்த கங்க மன்னன் பிருதிவீபதி-யோட பள்ளிப்படக்குப் போறதா ஊகிச்சுகிட்டான்  ஆழ்வார்க்கடியான். 

ஒளியில் மிளிரும் தூசித் துகள் போல...

வாயேஜர் என்கிற விண்கலம் சுமார் 35 வருடங்களுக்கு முன் விண்ணில் செலுத்தப் பட்டது. இதன் முக்கிய குறிக்கோள் சூரிய குடும்பத்தை பற்றிய அறிவை வளர்த்துக் கொள்வது. இந்த விண்கலம் சூரிய குடும்பத்தின் உறுப்பினர்களான வியாழன், சனி கிரகங்களை பற்றி ஆராய்ச்சி செய்து புகைப்படங்களை பூமிக்கு அனுப்புவது.

இந்த விண்கலம் பூமியில் இருந்து பல கோடிக்கணக்கான மைல்கள் தாண்டி இன்னும் சென்று கொண்டே இருக்கிறது. சூரியனின் ஆட்சிக்குட்பட்ட பகுதியின் எல்லையை தொட்டு விட்டதாக அறிவியல் அறிகர்கள் சொல்கிறார்கள்.  

அவ்வாறு சென்று கொண்டிருக்கும்போது அது திரும்பி பூமியை கடைசீயாக எடுத்த போட்டோ கீழே.

அம்புக்குறியிட்டு காட்டப் பட்டுள்ள இடத்தில் ஒளியில் தெரியும் பொட்டு தான் பூமி. கார்ல் சகான் என்கிற அறிஞர் சொல்கிறார்: "திரும்பவும் பாருங்கள் அந்த பொட்டுத் துகளை, அங்கு தான் இருக்கிறது...வீடு. அது தான் நாம். இங்கு தான் நீங்கள் அன்பு செலுத்துகிற ஒவ்வொருவரும், உங்களுக்குத் தெரிந்த ஒவ்வொருவரும், நீங்கள் கேள்விப் பட்ட எல்லாரும், நமக்குத் தெரிந்த ஒவ்வொரு மனிதனும் - மகான்கள், அறிஞர்கள், ஹீரோக்கள், வீரர், கோழை, அரசன், சாமான்யன் - எல்லாரும் அந்த ஒளியில் மிளிரும் தூசித் துகளில் வாழ்ந்திருக்கிறார்கள், வாழுகிறார்கள்..."

குறிப்பு: வாயேஜர் விண்கலம் மீது சூரியனின் ஒளி  பட்டு அந்த பிரதிபலிப்பின் கோடுகள் தெரிகின்றன. இதே போன்ற பிரதிபலிப்பினால் பூமியும் தெரிகிறது. இந்த இரு பிரதிபலிப்புகளும் ஒரே கோட்டில் வந்தது தற்செயல் தான். இந்த பிரதிபலிப்பில் தெரியும் பூமி அறிஞருக்கு தூசித் துகள் போல தோன்றியிருக்கிறது. "வெளிர் நீல துணுக்கு" என்கிற இந்த புகைப்படம் உலகப் புகழ் பெற்றது. 

செவ்வாயில் க்யுரியாசிட்டி

செவ்வாய் கிரகத்துக்கு அனுப்பப் பட்ட க்யுரியாசிட்டி என்கிற எந்திர வாகனம் பத்திரமாக இறங்கி தன் சோதனைகளைத் தொடங்கியது.

க்யுரியாசிட்டியின் ஒன்பது மாத பயணத்தையும் தரை இறங்குவதையும் காட்டும் விளக்கப் படம் மேலே. செவ்வாயின் வளி மண்டலத்தில் இது இறங்க ஆரம்பித்ததில் இருந்து தரையைத் தொடும் வரை உள்ள நேரம் ஏழு நிமிடங்கள் மட்டுமே. ஆனால் செவ்வாயில் இருந்து இந்த விண்கலம் அனுப்பும் செய்தி பூமியை வந்து அடைய பதினாலரை நிமிடங்கள் ஆகும். இந்த கலம் செவ்வாயின் வளி  மண்டலத்தை அடைந்ததில் இருந்து ஒரு ஏழரை நிமிடங்கள் விஞ்சானிகள் குழுவுக்கு ஒரு மிகப் பெரிய சஸ்பென்சாக இருந்தது.

இந்த ஏழரை நிமிட காத்திருப்புக்குப் பின் அவர்களுக்கு க்யுரியாசிட்டி பத்திரமாக தரை இறங்கிய செய்தி வந்ததும் அவர்களுடைய சந்தோசம் கண்கொள்ளாதது.

இந்த தளத்தில் உள்ள பல புகைப்படங்கள் பிற இணைய தளங்களில் இருந்து பதிவிறக்கம் செய்யப் பட்டவை. மறுப்புகளையோ கருத்துக்களை பின்நூட்டங்களாகத் தெரிவிக்கவும் 

சமீபத்தில் ரசித்த படம்: பாட்ஷா

எத்தனை முறை பார்த்திருப்பேன் என்று தெரியாது; ஆனாலும் இன்னும் ஒரு முறை கூட பார்க்கலாம் என்று தோன்றுகின்ற  படம்.

சுரேஷ் கிருஷ்ணாவின் திரைக்கதை இயக்கத்தில் வேறு எந்த படம் வந்தது என்று தெரியவில்லை. ஆனால் இந்த ஒரு படம் மட்டும் அவ்வளவு அட்டகாசம். வசனங்கள் எழுதியது பாலகுமாரன்; "நான் ஒரு தடவை சொன்னா  நூறு தடவை சொன்ன மாதிரி " இவரா எழுதினார்? தெரியவில்லை.

துவக்கம் சாதாரணம் தான்; கொஞ்சம் பில்ட்-அப்  சீன்கள் ரஜினிக்காக. பின் ஒரு பாடலுடன் வருகிறார் ரஜினி. பேப்பர் தூவ நிறைய வாய்ப்புகள் தரப்படுகின்றன. அப்பா இல்லாத ஒரு தம்பி, இரண்டு தங்கைகள் மற்றும் அம்மாவை பார்த்துக் கொள்ளும் அண்ணன் ரஜினி. ஆட்டோ ஓட்டுகிறார். அடிதடி என்றால் அவ்வளவு பயம் அவருக்கு. நக்மாவின் அறிமுகம் கிடைக்கிறது. ஹீரோயின் வேண்டுமே... நக்மா கவர்ச்சி ஹீரோயின் பாத்திரத்துக்கு மிகவும் பொருந்துகிறார். 

மூத்த தங்கைக்கு அவர் விரும்பிய வரனை கலியாணம் செய்து வைக்கிறார். ஆட்டோ காரன் தங்கைக்கு தன மகனை திருமணம் செய்ய மாட்டேன் என்று சொல்லும் பணக்காரனுக்கு பணம் முக்கியம் இல்லை என்பதை உணர்த்தி நல்ல படியாக திருமணம் செய்கிறார்.

தன் தம்பி இன்ஸ்பெக்டர் வேலைக்காக இன்டர்வியு போக போலிஸ் உயர் அதிகாரி மாணிக்கம் என்கிற ஆட்டோ டிரைவர் ரஜினியை பார்க்க வேண்டும் என்கிறார். ரஜினி பார்க்க செல்ல இவரை பார்த்ததும் போலிஸ் அதிகாரி எழுந்து நின்று மரியாதை செய்கிறார். அதற்க்கு முன் நெகடிவாக சில பழைய காட்சிகள் ஓடுகின்றன.

அவருடைய தங்கைக்கு மெடிக்கல் காலேஜ் சீட் கிடைக்காமல் போக ரஜினி அங்கு சென்று அந்த காலேஜ் அதிபருடன் பேசுகிறார். பேசி முடித்தவுடன் தங்கைக்கு சீட் கிடைக்க தங்கையின் கேள்விக்கு ரஜினியின் பதில்: "உண்மையை சொன்னேன்". கல்லூரி அதிபர் தன அடியாட்களுக்கு சொல்லும் பதில்: " தங்கச்சிக்கு அண்ணன்னா நமக்கெல்லாம் அண்ணன்...ஊருக்கே அண்ணன்டா...அன்ன்ன்னன் டா'

இந்திரன் என்கிற ரவுடி தன் தம்பியை அடிக்காமல் தடுக்க இவர் கம்பத்தில் கட்டப்பட்டு அடிக்கப் படுகிறார். ரத்தம் சிந்த சிந்த அவன் ரஜினியை அடித்து துவைக்க ஒரு எதிர்ப்பு காட்டாமல் வாங்கி கொள்கிறார். ஆனால் தன தங்கை அந்த ரவுடியால் ஒரு துளி ரத்தம் சிந்தும் போது அந்த ரவுடியையும் அவன் கும்பலையும் த்வம்சம் செய்கிறார் தனி ஆளாய். பின் இந்திரனை கம்பத்தில் வைத்து கிழித்து எடுக்கிறார்.

பின் "உன்ன இந்த பக்கம் மறுபடியும் பாத்தேன்..பாத்த இடத்திலேயே குழி தோண்டி பொதைசுடுவேன்.." இங்கிருந்து தான் 'நான் ஒரு தடவை சொன்னா" வசனம் வருகிறது.  இதுக்கு பின்னால் ரஜினியின் பிளாஷ் பேக்

அவர் மும்பையில் மாணிக் பாட்சா-வாக மார்க் அன்டனி என்கிற ரகுவரனுடன் மோதிக் கொண்டு இருந்ததும், மார்க் அன்டணியை ஜெயிலில் அடைத்து விட்டு இறந்து விட்டதாக உலகத்தை நம்ப வைத்து விட்டு சென்னை வந்திருப்பதும் தெரிகிறது. 

நக்மாவின் கல்யாண தினத்தில் தன் பட்டாளத்துடன் போய் அவரை கூட்டி வர விஷயம் தெரிந்து தப்பித்து வருகிறான் மார்க் அன்டனி. மீண்டும் சண்டை..

போலிஸ் ரகுவரனை கொன்று எல்லாம் சுபம். பல காட்சிகள் சூப்பர் என்று சொல்ல வைக்கும். நக்மாவின் அப்பா கேசவன் என்கிற காரக்டர் 'மார்க் அன்டனி தப்பித்தான்' என்று செய்தி வாசித்து பாப்பரை மடக்கும் போது மார்க் அன்டனி எதிரே இருக்கும் காட்சி. "கொஞ்சம் அங்கே பாரு கண்ணா' என்று தான் ஏற்பாடு செய்த ஆட்கள் துப்பாக்கி சகிதம் மார்க் அன்டணியை குறி வைத்திருப்பதை ரஜினி காட்டும் காட்சி. "உள்ளே போ" காட்சி போன்ற மேலே விவரித்த காட்சிகள் அருமையிலும் அருமை. எட்டு எட்டா பாடல் தத்துவம். நீ நடந்தால் பாடல் இனிமை. எங்கிருந்து உருவாக்கினாரோ தேவா  பாடல்கள் எல்லாம் சிறப்பு. இஸ்டையில் பாட்டு உற்சாகம்.

மொத்தத்தில் இன்னும் எத்தனை தடவை வேண்டுமானாலும் பார்க்கலாம். 

விண்வெளியில் ஒரு அதிசயம்

சில நாட்களுக்கு முன்னால் விண்வெளியில் ஒரு அதிசயம் நடந்தது. வெள்ளி கிரகம் சூரியனை கடந்து சென்றது. 105 வருடங்களுக்கு ஒரு முறை மட்டும் நடக்கும் அதிசயம் இது. இப்போது இதைப் பார்த்தவர்கள் திரும்ப பார்க்க முடியாது இதை.

மேற்புறமாக இருக்கக்கூடிய கரும் பொட்டு தான் வெள்ளி. கீழே ஒரு விமானம் பறப்பதும் இந்த படத்தில் தெரிகிறது. வட்டமாக தெரிவது சூரியன் (எத்தா....தண்டி !!)

தக தக என எரியும் சூரியன் முன் கருப்பு பொட்டு  போல  ஜாகரதையாக கடந்து செல்கிறது வெள்ளி.

விண்வெளி வீடியோ : விண்வெளி வீரர்களால் மட்டுமே பார்க்கக் கூடிய அதிசய காட்சிகள்

பூமியிலிருந்து 240 மைல் உயரத்தில் இருந்து எடுக்கப் பட்ட வீடியோ காட்சிகள். 

புற்றுநோய் சிகிச்சை முடிந்தது : யுவராஜ் சிங் நாளை நாடு திரும்புகிறார்

செய்தி, படம் - நன்றி: தினகரன்

சின்னக்கண்ணன் அழைக்கிறான்

இது மாமாவுக்கு பிடித்த பாட்டு...

நண்பன் திரைப்படத்தில் உள்ள தவறுகள்

தவறு 1: காட்சி: செந்திலும், வெங்கட்டும் ஊட்டியில் உண்மையான பாரியை சந்திக்கின்றனர். பாரியின் அப்பாவுடைய அஸ்தியை கழிப்பறையில் கரைப்பதாக மிரட்டுகின்றனர். அப்படி மிரட்டும் போது ஒரு காட்சியில் கலசத்தின் மூடியை உள்ளே போடுகிறான் வெங்கட்.  பேசி முடித்த பிறகு உள்ள காட்சியில் கலசத்தை மூடியோடு கொடுக்கிறான் செந்தில். (ஹிந்தி படத்தில் கூட இது இப்படியே, தவறாக, வருகிறது)

தவறு 2: காட்சி:  இலியானாவின் திருமண காட்சி. காட்சியில் இலியானாவின் திருமண மேடைக்கு நேர் முன்னே கார் வந்து நிற்கிறது. இலியானா செந்திலை இழுத்துக் கொண்டு காரில் ஏறுகிறார். அடுத்த காட்சியில் வைரசும் அவருடைய மூத்த மகளும் சேர்ந்த கூட்டம் ஓடி வருகிறது. அப்போது அவர்கள் மாடியில் இருப்பது போலவும் கார் கீழே போவது போலவும் வருகிறது. முந்தய காட்சியில் ஒரே தளத்தில் இருந்த மனமேடை அடுத்த காட்சியில் மாடிக்கு சென்றது? (ஹிந்தில் படத்தில் இது சரியாக வருகிறது.)

தவறு 3: காட்சி: முதன் முதலில் சைலேன்சரும், செந்தில் மற்றும் வெங்கட் சந்திக்கும் காட்சி. செந்திலும் வெங்கட்டும் பாரியை பத்து வருடங்களாக தேடுவதாக சொல்கிறார்கள். கல்லூரி முதல் வருடம் சைலேன்சர் பத்து வருடங்களுக்கு பிறகு அதே இடத்தில் சந்திப்பதாக சொல்கிறான். ஆனால் நான்கு வருடம் கல்லூரி முடிந்த பின் சுமார் ஆறு அல்லது ஏழு வருடங்களே இவர்கள் பாரியை தேடுவதாக சொல்லி இருக்க வேண்டும்.


இதை தவிர நீங்கள் கண்டு பிடித்த தவறுகளை பின்னூட்டமாக போடவும்...

அமரர் கல்கியின் பொன்னியின் செல்வன் - குறுகிய பதிப்பு - பாகம் 1 - அத்தியாயம் 16

பாகம் 1  - புது வெள்ளம்
அத்தியாயம் 16 - அருள்மொழி வர்மர் 

கி.பி. 970 வாக்கில் சுந்தர சோழ சக்கரவர்த்தியோட சாம்ராஜ்யம் செழிச்சு வளர்ந்து இருந்துச்சு. ஆனா இவர் பட்டத்துக்கு வரும்போது நெலமை வேறயா இருந்தது. வடக்கிலும் தெக்கிலும் விரோதிகள் இருந்தாங்க. தெக்க படை எடுத்து போனாரு. அங்க இருந்த பாண்டிய ராசாக்கும் இவருக்கும் சேவூர் அப்படீங்கற இடத்திலே சண்டை நடந்துச்சு. சிங்கள மன்னன் மகிந்தன் என்கிறவன் பாண்டியர்களுக்கு உதவியா பெரிய படைய அனுப்பி இருந்த்தான். பாண்டியர் படையும், சிங்கள படையும் சின்னா பின்னமாயிட்டது. பாண்டிய மன்னன் ஓடி ஒளிஞ்சுகிட்டான். சிங்களர்கள் படை அனுப்பி பாண்டியர்களுக்கு உதவி செய்றது வழக்கமா ஆய்ட்டதால, அத தடுக்க, மகிந்தனுக்கு புத்தி புகட்ட ஒரு சோழ சைன்யம் (மிலிட்டரி) இலங்கைக்கு போச்சு, கௌம்பாளூர் சிற்றரசன் பராந்தகன் சிறிய வேளாண் (இவர் தான் வானதியோட அப்பா) தலைமைல. சோழர் படை பயணத்துல வந்த சிரமங்கள் காரணமா பிரிஞ்சு போச்சு. கரை இறங்கின சின்ன படைய, தன்னோட பெரிய படைய அனுப்பி துப்புரவா அழிச்சான், மகிந்தன். தோத்து போவோம்ன்னு தெரிஞ்சும் திரும்பி ஓடாம, வீரமா சண்டை போட்டு உயிரை விட்டான், பராந்தகன் சிறிய வேளாண். சோழரோட பெரிய படை சிலோன் பாட்டுன்னு தெரிஞ்சு படை திரட்டி வந்தான் பாண்டிய மன்னன். இந்த தடவ பாண்டிய சேனை மட்டுமில்ல பாண்டிய ராஜாவும் அழிஞ்சான். இந்த சண்டைல சுந்தர சோழரோட மூத்த பையன், பட்டத்து இளவரசர் (14 வயசு தான் ஆய்ருந்தது அப்போ), ஆதித்த கரிகாலர் தலைமைல தான் நடந்தது. 


பராந்தகன் சிறிய வேளாண் இறந்ததுக்கு பழி வாங்கவும், மகிந்தனுக்கு புத்தி வர்றதுக்கும் அவன தண்டிக்கணும்னு நினைச்சாங்க சோழ ராஜ்யத்தோட வீராதி வீரர்கள் எல்லாரும். யாரோட தலமைலே படைய அனுப்பலாம்னா எல்லாரும், நான் நீன்னு போட்டி போட்டுட்டு இருந்தாங்க. ராஜ்யமே பிரிஞ்சு போய்டும்ன்னு பயந்தாரு சுந்தர சோழ சக்கரவர்த்தி. ஆதித்த கரிகாலன் வட திசைலே இருந்து வந்த ராஷ்டிரகூடர்கள அடக்க படையோட இருந்தாரு. இந்த நிலமைய சமாளிக்க ஹெல்ப் பண்ண வந்தாரு சின்னவர், அருண்மொழி வர்மர். 20 வயசு கூட ஆகல, ஆனா இவரு தலைமைய மற்ற சிற்றரசர்கள் யாரும் தப்பா நினைக்க மாட்டாங்கன்னு நினைச்சாரு சுந்தர சோழர்.  சின்னவர் படை நடத்தின விதமே வித்யாசமா இருந்தது, அத விட வித்யாசமா இருந்தது அவரோட போர்த்தந்திரங்கள். சரியான நேரத்தில போர்த் தளவாடங்கள் (supply, reinforcements) வரல்ல. இதனால திரும்பி வந்து அப்பா கிட்ட பேசி ஏற்பாடுகள் செஞ்சுகிட்டாரு. திரும்பி போறப்போ அரண்மனை பெண்கள் ராஜ மரியாதை செஞ்சாங்க. கிலே தீபத் தட்ட எடுத்து ஆரத்தி எடுத்தாங்க. வானதி நடுங்கி தீபத் தட்ட கீழ விட்டா. இளவரசர் ஸ்மைல் பண்ணிட்டு போயிட்டாரு. அபசகுனம்னு சொன்னாங்க எல்லாரும், இளவரசருக்கு எதனா ஆகலாம்னாங்க. இவ டென்சன் அதிகமா ஆயி மயங்கி விழுந்தா. சலசலப்புக்கு காரணம் கேள்விப்பட்டு உள்ள வந்து பாத்தாரு அருள்மொழி வர்மர். குந்தவை வானதி மயக்க தெளிய முயற்சி பண்ணிட்டு இருந்தாங்க. இவளோட அப்பா பத்தி தெரிஞ்ச உடனே ரொம்ப இரக்கப் பட்டாரு. இதே போல இலங்கைக்கு போன தன்னோட அப்பா நியாபகம் வந்திருக்கும்னு நினைச்சாரு. வானதி மேல தனி அன்பு வந்தது இளவரசருக்கு. அக்கா கிட்ட, அம்மா அப்பா இல்லாத அவள நாமதான் பாத்துக்கணும் அப்படீன்னார். 
 (யோசிச்சு பாருங்க, அவளுக்கு பிரியமான அப்பா இலங்கைக்கு சண்டைக்கு போகும் போது இப்படி தான் அனுப்பி வச்சுருப்பா, அவரு திரும்ப வரல. அடுத்து ரொம்ப ஆசை படர அருள்மொழி வரமர இலங்கைக்கு அனுப்பி வைக்கறா)
குந்தவைக்கு ஏதோ புரிஞ்சது. வானதி மேல தனி பிரியம் அப்போ இருந்து. இதெல்லாம் கவனிச்ச மத்த இளவரசிகள் எல்லாருக்கும் வானதி மேல பொறாமை வந்தது.

சமீபத்தில் ரசித்த படம் - அழகன்

பாலச்சந்தரின் அழகான படம். உழைப்பால் உயர்ந்த அழகப்பன் என்கிற ஹோட்டல் முதலாளி, மம்மூட்டி, மூன்று பெண்களின் நடுவில் சிக்கி சின்னா பின்னாகி பின் எல்லாம் சுபமாக முடிவது தான் படம்.

"அவன் தான் அழகன்" பாடல் சுகம் என்று பார்த்தால் எல்லா பாடல்களும் முன்னதை விட சூப்பராக இருக்கின்றன. இதற்காக இசையமைப்பாளர் மரகதமணிக்கு ஒரு சபாஷ்.

மனைவியின் இறப்புக்கு பிறகு வேறு யாரையும் திரும்பி பார்க்காத இவர் மேல் பதினெட்டு வயது "குயின் மேரிஸ் காலேஜ் குயின்" என்று சொல்லிக்கொண்டு வரும் சொப்னா (மதுபாலா), டுடோரியல் காலேஜ் டீச்சர் கண்மணி (கீதா), நடன கலைஞர் பிரியா (பானுப்ரியா) ஈர்க்கப்படுகிறார்கள். அதனால் வரும் குழப்பங்கள் தான் கதை. கதை திரைக்கதை இயக்கம் பாலசந்தர், டி.வீ. நாடகம் போலத் தோன்றி விடாமல் படத்தை நன்றாக கொண்டு போயிருக்கிறார்.   


மதுபாலாவுக்கு இது முதல் படம், ஆனால் நடிப்பில் குறும்பு கொப்பளிக்கிறது. சும்மா பின்னி பெடலெடுத்து இருக்கிறார். பானுப்பிரியா ஹோட்டலுக்கு வர அவரிடம் ஹோட்டல் மெனுவை  மம்மூட்டி ஒப்பிக்கும் காட்சி சூப்பர். மம்மூட்டிக்கு நான்கு குழந்தைகள். 'நாம வேற வீட்ல போய் பிறந்திருக்கலாண்டா' என்று சொல்லும் சிறுவன் நடிப்பு சிறப்பு.  போட்டோ-வில் அம்மாவின் முதுகு தெரிவது பார்த்து ஒரு குழந்தை போட்டோவின் பின் பக்கம் போய் முகம் பார்க்க முயல்வது சூப்பர்.  ஒரு இடத்தில் மம்மூட்டி பேசும் வசனம் இது: "நான் சொல்றேன் நீ கேட்டுக்கோ..ஆனா டான்ஸ் ஆடிக்கிட்டே பேசத் தெரியாதெனக்கு.." சீரியசான இடத்திலும் சிரிப்பு வரும் நமக்கு. 


படத்தில் பல சின்ன பாத்திரங்கள் கூட முக்கியத்துவம் பெறுகின்றன. சந்தானம் என்கிற டிரைவர், வீட்டு வேலைக்காரராக வரும் பிருதிவி ராஜ், அதிராமப் பட்டினம் சொக்கு என்கிற கோள்மூட்டும் பாத்திரம் (மூன்று பெண்களுக்கும் இடையில் போட்டியையும் குழப்பத்தையும் மாறி மாறி ஏற்படுத்துகிறது), பானுப்பிரியாவின் அப்பா, அம்மா, மதுபாலாவின் பாட்டியாக வரும் சாவ்கார் ஜானகி. டெலிபோன் கூட ஒரு முக்கிய பாத்திரமாக மாறி இருக்கிறது. ஒரு பாடலில் பானுப்ப்ரியாவும் மம்மூட்டியும் இரவு முழுவதும் பேசிக்கொண்டே இருப்பார்கள்: "சங்கீத ஸ்வரங்கள்" என்கிற பாட்டு சூப்பரோ சூப்பர். தூர்தர்ஷனில் வளையம் வரும்போது வரும் இசையையும் பாடலில் சேர்த்திருப்பது அருமை,  இதை படமாகிய விதம் மிகவும் அருமை.

சில சமயம் மம்மூட்டி ஹோட்டலை கவனிக்கறாரா இல்லை இந்த மூன்று பெண்களை மட்டும் கவனிக்கறாரா என்று நினைக்க தோன்றுகிறது. இயக்குனர் கொஞ்சம் கதையை நீட்டி இருக்கிறாரோ என்றும் தோன்றுகிறது. 


இன்றும் கூட பார்க்கலாம், ரசிக்கலாம் என்கிற வகையில் படம் இருப்பது தான் இயக்குனரின் வெற்றி. சிறந்த படம்.